Matthias Klostermayr

Da Matthias Klostermayr, vulgo da Boarische Hiasl (Bayerische Hiasl), laut Taufregista: Mattheus Klostermair, (* 3. Septemba 1736 z Kissing, † 6. Septemba 1771 z Dillingen an da Donau) wor a Wuidara und a Raibahaptmo und scho zu Lebzeidn a Legendn.^[1]

Fia de ormen Deifi wor a a Voiksheld, a Freischitz, a boarischa Robin Hood. Fia de Obrigkeid wor a a Vabrecha.^[2] Anno 1771 is a z Dillingen af greisliche Oart, duach Rädan und Viatein, higricht worn.

Zwoahundatfuchzg Joa is da Boarische Hiasl im Voik lebendi und es is koa End in Sicht, wia de Hiasl-Erlebniswelt (2006, moderns Museum, vo da EU mitfinanziat) z Kissing zoagt. Des muass an Grund hom. Manche Bayern megn hoid oan, dea aufmuggt gegn de Großkopfadn, gegn de Obrigkeit, dea stoarrkepfig is, dea a Schneid hod und - deas so richtig krocha losst.^[3]

1. ↑ J.N. Nöggler, Der Bayrische Hiesel, Reutlingen, 1867, in: Das war der Bayerische Hiasl, Hrsg. Walter Hansen, Pfahofa, 1978, S.77f
2. ↑ Michaela Karl, Sozialrebellen in Bayern, Regensburg 2003, S.9ff
3. ↑ Dietz-Rüdiger Moser, Sympathische Rebellen, in: geachtet & geächtet, Regnschburg, 2007, S.5f